Connect with us

Labarai

Kasafin kudin badi na Kano ya tsallake karatu na biyu

Published

on

Majalisar dokokin jihar Kano ta bai wa kwamitinta da ke kula da kasafin kudi wa’adin daga nan zuwa ranar goma sha bakwai ga watan gobe na Nuwamba domin ya gabatar da rahotonsa kan kunshin kasafin kudin badi da gwamnan Kano Abdullahi Umar Ganduje ya gabatar a ranar Alhamis na makon jiya.

Idan za a iya tunawa a ranar Alhamis da ta gabata ne gwamna Dr. Abdullahi Umar Ganduje na jihar Kano ya gabatar da kunshin kasafin kudin ga majalisar dokokin jihar Kano.

Tun da farko dai majalisar ta bukaci ma’aikatu da hukumomin gwamnati na jihar ta Kano da su zo gaban kwamitocinta daban-daban wadanda suke kula da ma’aikatun domin kare kunshin kasafin kudinsu.

Kai tsaye: Ganduje ya kammala gabatar da kasafin kudin 2020

Majalisar dattijai zata mikawa shugaba Buhari kunshin kasafin bana a Juma’ar nan

Abunda ya kamata ku sani kan kasafin kudin badi

Majalisar ta kuma dage cigaba da zamanta har zuwa ranar goma sha shida ga watan gobe na Disamba domin dawowa ta ci gaba da tattana batun daftarin kasafin kudin.

Haka zalika shugaban majalisar Abdulaziz Garba Gafasa ya ce bayan dawowa daga hutun majalisar za ta sanar da ranar da za a gudanar da taron jin ra’ayin jama’a kan kunshin kasafin kudin.

Continue Reading

Labarai

Kwamishinan ‘Yan sandan jihar Kano ya ziyarci gidansu matashin da dan sanda ya harbe

Published

on

Kwamishinan ‘yan sanda na jihar Kano CP. Habu Ahmed Sani ya kai ziyarar ta’aziyya gidansu matashinnan marigayi Mus’ab Sammani da wani dan sanda ya harbe a makon da ya gabata, tawagar kwamishinan ta ziyarci gida dake unguwar Dantamashe a yankin karamar hukumar Ungogo dake nan Kano a safiyar yau.

CP. Habu Ahmed Sani ya bayyana cewa, yana kan hanyar sa ta zuwa birnin tarayya Abuja don hallatar wani muhimmin taro sai ya samu labarin faruwar al’amarin, kuma nan take ya juyo zuwa Kano inda ya bada umarnin fara bincike kan lamarin.

Ya zuwa yanzu tuni aka cafke dan sandan da ake zargi kuma an gurfanar da shi a gaban kotun ‘yan sanda domin girbar abinda ya shuka.

Kwamishinan ya kara da cewa, mutuwar matashin ba rashi bane ga iyayensa kadai har ma ga al’ummar Kano baki daya, adon haka za suyi duk mai yiwuwa wajen tabbatar da daukar mataki akai.

Hoto a yayin ziyarar

Tun faruwar al’amarin dai mataimakan kwamishinan ‘Yan sanda na jihar Kano sun kai ziyarar ta’aziyya gidan su marigayin.

Yayin ziyarar ta kwamishinan

Shima a nasa bangaren, mahaifin marigayin wato Mus’ab, Alhaji Sammani yayi godiya matuka tare da jinjinawa rundunar ‘yan sanda kan kokarin da take yi na bibiyar wannan al’amari, domin hukunta wanda ake zargi.

Sannan ya kara da cewa mutuwa karar kwana ce ga duk wanda ya kwanansa ya kare.

Labarai masu alaka:

Rundunar ‘yan sanda ta Kano ta yi holin masu yin garkuwa da mutane

Yan film sun karrama kwamishinan ‘yan sanda na jihar Kano

Jihar Kano ta sami sabon kwamishinan ‘yan sanda

Continue Reading

Labarai

Gudanar da managartan ayyuka na kan Injiniyoyi- Kwamishinan ayyuka na Kano

Published

on

Kwamishinan ayyuka da gidaje na jihar Kano, Injiniya Mu’azu Magaji ya bayyana cewa hakkin gudanar da managartan ayyuka da za su ciyar da kasar nan gaba musamman a fannin kere-kere da gine-gine ya ratayu ne a wuyan injiniyoyi.

Kwamashinan ya bayyana haka ne a wajen taron da tsofaffin daliban tsangayar horar da injiniyoyi ta Jami’ar Bayero suka shirya don tattauna hanyoyin bunkasa karatun injiniya a kasar nan.

Ya ce wajibi ne gwamnatoci a ko wane mataki a kasar nan su kara kokarin bunkasa karatun aikin injiniya ta yadda zai kasance suna gudanar da ayyukan kere-kere a Najeriya ba tare da la’akari da na kasashen ketare ba.

A jawabinsa, shugaban Jami’ar Bayero, Farfesa Muhammad Yahuza Bello wanda shugaban tsangayar horar da injiniyoyi na Jamiar, Farfesa Salisu Dan’azumi ya wakilta, cewa ya yi yana da kyau tsofaffin dalibai su rinka waiwayar makarantun da suka kammala don ba su dukkan gudunmawar da ta dace, don ta hakan ne ‘yan baya za su samu fa’idar lamarin.

Wakilin mu Abubakar Tijani Rabi’u ya ruwaito cewa an karrama wasu ‘ya’yan kungiyar saboda irin kokarin da suke yi na ciyar da aikin injiniya gaba a kasar nan.

Continue Reading

Labarai

Sarkin Kano ya bude masallacin juma’a na sabuwar jami’ar Bayero

Published

on

Mai mairtaba Sarkin Kano Malam Muhammad Sunusi na biyu ya jagoranci bude sabon masallacin juma’a na sabuwar jami’ar Bayero dake Kano.

Da yake gabatar da hudubar juma’a a masallacin, Malam Muhammad Sunusi na biyu ya bayyana dumbin ladan da mahalicci ya tanada ga masu gina Masallatai da kuma masu hidimatawa masa a ko wani irin yanayi.

Da yake jawabi a wajen taron bude masallacin,  shugaban jami’ar Bayero dake Kano Farfesa Muhammad Yahuza Bello, jan hankalin al’umma ya yi da su zama masu kokarin ganin an tsaftace masallatan juma’a da ma sauran al’amuran da za su inganta masallatan.

Babban limamin Kano Farfesa Sani Zahraddeen wanda shine shugaban kwamitin Masallacin, ya godewa wadanda suka ba da gudunmawa wajen samar da Masallacin juma’ar na sabuwar Jami’ar ta Bayero.

Wakilinmu na fadar Sarkin kano Muhammad Harisu Kofar Nasarawa ya rawaito cewa mai martaba Sarkin Kano Muhammudu Sanusi na biyu ya jagoranci dimbin al’ummar Musulmi sallar Juma’a a sabon Masallacin na Sabuwar Jami’ar Bayero a nan Kano.

Continue Reading

Now Streaming

Trending

Copyright © 2019. Freedom Radio Group. All Rights Reserved.