DAMBE: Bahagon Wada ya lashe kyautar mashin

An kammala gasar damben shugaban karamar hukumar Hadeja Alhaji Abdullahi mai Kanti Muhammad wanda kungiyar Damben jihar Kano da ta Hadeja ta shirya, inda aka fafata damben karshe tsakanin Bahagon Wada da Danladi Tage.

Bahagon Wada ya samu nasarar doke Danladi Tage wanda hakan ya ba shi damar lashe kyautar Mashin.

Danladi Tage ya karbi kyautar naira dubu hamsin a matsayin kyautar wanda ya zo a matsayi na biyu.

Ya’u Febo shine ya tsaya a mataki na uku wanda hakan ya ba shi damar karbar kyautar naira dubu ashirin da biyar.