Connect with us

KannyWood

A shirye nake na auri Kamaye a zahiri –inji Adama

Published

on

Fitacciyar jarumar fina-finan Hausar nan Zahra’u Saleh wadda akafi sani da Adama matar Kamaye acikin wasan kwaikwayon nan na Dadin Kowa ta bayyana cewa a shirye take da ta auri abokin karawarta a wasan kwaikwayon wato Dan’azimi Baba Chediyar ‘Yan Gurasa wanda akafi sani da Kamaye.

A yayin wata tattaunawa da Freedom Radio tayi da jarumar a jiya Laraba Adama ta bayyana cewa “shi aure al’amari ne na Allah, kuma idan Allah ya rubuta cewa Kamaye mijina ne to hakika sai na aureshi, kuma ba abin mamaki bane domin kuwa a shirye nake da na aureshi”

Jaruma Adama ta kara da cewa ita sam ba mafadaciya bace a zahiri, kawai dai wasa ne aka bata tsarin ta fito a matsayin mafadaciya, a karshe tayi kira ga sauran jaruman masana’antar Kannywood da su taimaka su hada kansu su kaucewa rikice-rikice domin tabbatar da zaman lafiya da cigaba ga jaruman da masana’antar su.

Labarai masu alaka:

‘Yan film sun karrama kwamishinan ‘yan sanda na jihar Kano

Ina so na zama ‘yar kasuwa kamar Dangote –Sadiya Kabala

Continue Reading

KannyWood

Tabbas Afakallahu na kokari wajen tsaftace Kannywood –Kamaye

Published

on

Fitaccen jarumin fina-finan hausar nan kuma marubuci mai shirya fina-finai Dan’azimi Baba wanda akafi sani da kamaye, ya bayyana cewa yanzu haka masana’antar Kannywood ta kama hanyar gyaruwa sakamakon kokarin hukumar tace fina-finai ta jihar Kano.

Yayin wata tattaunawa da jarumin yayi da Freedom Radio ya bayyana cewa a yanzu masana’antar Kannywood ta dauko hanyar gyaruwa bisa kokarin da shugaban hukumar tace fina-finai da daba’I ta jihar Kano Alhaji Isma’il Na’abba Afakallah ke yi.

Kamaye ya kara da cewa yana goyon bayan yunkurin tsaftace fina-finan hausa dari bisa dari da Afakallahun ke yi a Kano.

Idan zaku iya tunawa a kwanakin baya ne dai wata dambarwa ta kunno kai tsakanin wasu jaruman masana’antar da suke zargin ana musu rashin adalci, a yayin ayyukan hukumar tace fina-finan ta jihar Kano.

Wannan dambarwar dai ta haifar da ficewar wasu jarumai daga masana’antar baki daya.

Labarai masu alaka:

Mu mukayi sakaci Kannywood ta lalace –Kamaye

A shirye nake na auri Kamaye a zahiri –inji Adama

Continue Reading

KannyWood

Kalubale na na farko a masana’antar Kanny Wood shine kin amincewar Iyaye–Rukayya Dawayya

Published

on

Fitacciyar jaruma kuma mai daukar nauyin fina-finai wato Rukayya Umar Santa wadda aka fi sani da Dawayya ta bayyana cewa ta samu nasarori da dama a zamanta a masana’antar Kannywood.

Yayin wata tattaunawa da tayi da Freedom Radio ta bayyana cewa ta samu nasarori da dama a rayuwarta cikin sama da shekaru goma sha biyar da ta shafe a masana’antar.

Dawayya ta ce babbar kalubalen data fuskanta kafin ta shigo masana’antar shi ne rashin yarjewar iyayen ta, domin kuwa a farko sun nuna rashin amincewar su kafin daga bisani  suka amince.

Ta kara da cewa ta samu cigaba matuka tun sanda  tazo masana’antar Kannywood a farko.

A karshe jaruma Dawayya ta mika sakon godiya ga masoyanta bisa addu’oi da goyan bayansu gareta.

 

 

Continue Reading

KannyWood

Muna da alaka mai kyau da ‘Yan sanda -Rukayya Dawaiya

Published

on

Fitacciyar jarumar nan Rukkaya Umar da aka fi sani da Rukayya Dawaiya ta bayyana cewa suna da  kyakkyawar alaka da  hukumomin ‘Yan sanda domin  suna   matukar taimaka musu wajan gudanar da wasannin kwaikwayo.

Rukayya Dawayya ta bayyana haka ne lokacin da take tattaunawa ta musamman da Freedom Radio.

Tace hukumar ‘Yansanda tana  basu kayan sawa,da motocin da suke jerin gwano da kuma basu Dansandan da zai ke nuna musu yadda ake sa kaya da maganganu da ‘’Yansanda.

Yar wasa Rukayya Dawaiya   tace inda har sun turawa hukumar ‘Yan sanda da takardar sanarwa da kuma abin da suke bukata kafin lokacin gudanar da wasan su basa samun matsala.

Ta kara da cewa ta shafe tsawon kamar  shekara sha biyar ta na sana’ar wasan Hausa,inda tace ta samu nasarori da yawa a sana’ar.

“Daga cikin nasarorin da nake alfahari da shi akwai alfaharin da mijina ke yi da ni na samun fitacciyyar jaruma wacce al’ummar Duniya ke alfahari da ita”

Tace matsalolin da suke samu a da na guraran da za su gudanar da wasa  ya zamo tarihi tun da a yanzu suna samun gidajen mutane da na ‘’Yan kasuwa da gidansarauta da gidajen Malamai.

Continue Reading

Now Streaming

Trending

Copyright © 2019. Freedom Radio Group. All Rights Reserved.