Connect with us

Manyan Labarai

Hanan Buhari: Sana’a Maganin zaman banza

Published

on

Hanan Muhammad Buhari ke daukar hoto a fadar Sarkin Bauchi

Daga Abdullahi Isa

Hanan Muhammadu Buhari, ”Ya” ce ga shugaban kasa Muhammadu Buhari, Kuma ‘yar auta kasancewar ta, ita ce ‘Yarsa’ ta karshe.
Hanan dai matashiya ce hazika wadda a kwanan nan ta kammala Digiri a fannin nazarin daukan hoto a wata Jami’a da ke Burtaniya, Kuma ta kammala da Digiri mai daraja ta daya wato ‘First Class’

A karshen makon jiya sunan Hanan ya karade kafafen yada labarai sakamakon wata ziyara da ta kai jihar Bauchi wajen wani taro na gargajiya da aka gayyaceta. Ko da ya ke da dama daga cikin bayanan da aka yada kan wannan matashiya, ya mai da hankali ne kan amfani da ta yi da jirgin shugaban kasa wajen kaiwan ziyarar, wanda wasu jama’a da dama su ke ganin hakan ba daidai bane tun da dai ita ba Jamiar gwamnati bane.

Hanan Buhari a bakin aiki

To ni dai wannan ba shine bangaren da na duba ba, sakamakon fuskantar da na yi na cewa kafafen yada labarai sun bar wani muhimmin bangare na ziyarar da Hanan ta Kai jihar Bauchi, wanda shine a wajena labari da ya kamata ya zama abin yadawa.

Ba ko shakka batun sana’a a kasar nan da rashin aikin yi lamari ne da kullum ke janyo cece-kuce yayin da wasu ke ganin laifin gwamnati ne wajen rashin samar da aikin yi gq matasan kasar nan, wasu ko gani su ke laifin matasan ne wadanda su ka gwammace zaman tumasanci da jagaliyanci mai makon yin sana’a da za su rufa wa kansu asiri da iyalansu.

Kwarai da gaske jama’a da dama a kasar nan suna zargin matasa da lalaci da raina sana’a wadanda suke ganin shine dalilin da ke kara taazzara rashin aikin yi. To koma menene gaskiyar Wannan lamari, Hanan Muhammadu Buhari ta zama misali ga matasa wajen nuna muhimmancin da sana’a ke da shi. Ba ko shakka wannan matashiya ta nunawa matasa cewa komi kankantar sana’a matukar Mutum ya rike ta da muhimmancin tabbas zai ci gajiyarta.

Haka zalika wannan bangare na sana’a ta daukar hoto da Hanan ta zaba zai kara karfafa gwiwa da matasa musamman mata su rungumi wanann sana’a wajen samun rufin asiri.

Haka kuma sana’ar matukar mata su ka rumgumeta hannu bibiyu zai kara tsaftace yadda sana’ar ke wakana musamman inda maza zasu daina cakuduwa da maza a lokacin bukukuwa.

Bugu da kari, Hanan ta zama farin wata sha kallo tsakanin matasa wanda za ta zamo misali ga matasa, inda masu hankali daga cikinsu za su fahimci cewa, duk kankantar sana’a tana da matukar tasiri Kuma rufin asiri ne matukar aka riketa da muhimmanci.

 

Labaran Kano

Sarki Sanusi II ya taya Ganduje murnar samun nasara a Kotu

Published

on

Mai martaba Sarkin Kano Muhammadu Sunusi na II, ya taya gwamnan jihar Kano murnar samun nasara a kotun koli na jaddada Kujerar sa a matsayin zababben gwamnan jihar Kano.

Muhammadu Sunusi na II, ya yi wannan kiran ne a yau a dakin taro na Afirka House, a lokacin da ya raka Oba na Benin Omo N’oba N’Edo UkuAkpolokpolo Ewuare na II, ziyara ta musamman wajen gwamnan jihar Kano.

Kazalika, Sakin yayi kira da a samu hadin kai tsakanin masu rike da madafun iko da masu sarautun gargajiya, don samar da jagoranci na gari tare da yiwa al’umma aiyyukan raya kasa.

Har ila yau, Muhammadu Sunusi na II, ya kara da cewa, lokaci ya yi da za’a manta da banbance da rashin jituwa tare da sa cigaban jiha a gaba.

Gwamna Ganduje ya nada Sarkin Kano Muhammad Sunusi shugaban majalisar Sarakunan Jihar Kano

Sarkin Kano ya bude masallacin juma’a na sabuwar jami’ar Bayero

Hukumomin kiwon lafiya na yin dukkanin mai yuwa kan cutar lassa- Sarkin Kano

A nasa jawabin Oba na Benin, Omo N’Oba N’Edo Uku Akpolokpolo Ewuare na II, ya ce Sarakunan gargajiya a fadin kasa na da muhimmiyar rawar da suke takawa wajen hadin kan al’ummar kasar nan mai Kabilu da al’adu daban -daban, wanda hakanne ya sanya ya taso musamman don jaddada wannan kudiri tsakanin al’ummar sa da ta jihar Kano.

Shima a nasa jawabin gwamna Dr. Abdullahi Umar Ganduje, ya ce gwamnatin sa a shirye take da hada kai tare da karbar shawarwari, daga dukkan masu rike da masarautun gargajiya a fadin kasar nan, kasancewar su wata Rumfa mai muhimmanci wajen, hadin kan al’umma, da zaman lafiya tare da bunkasa kasa gaba daya.

Wakilinmu na fadar gwamnatin jiha Aminu Halilu Tudunwada, ya ruwaito mana cewa Sarakunan guda biyu na Kano da na Benin, sun samu rakiyar tawagar wasu daga cikin hakimansu a ziyarar da suka kai fadar gwamnatin jiha.

Continue Reading

Labaran Kano

Za’a sake tona wata gawa da aka binne-Ustaz Sarki Yola

Published

on

Babbar kotun shari’ar musulunci karkashin Mai sharia Ustaz Sarki Yola a Kano tayi umarni da a tono wata gawa da aka binne ba daidai ba.

Mai shari’ar Ustza Sarki Yola ya bada umarnin ne bayan zaman kotun a yau Litinin

Ku saurari cikakken labarin cikin shirin Inda rank ana yau tare da Nasiru Salisu Zango da misalin karfe 9 da rabi

 

 

Continue Reading

Labaran Kano

Ya wajaba al’ummar mu su bunkasa tattalin arzikin Kano- Oba Ewuarin

Published

on

Sarkin masauratar al’ummar Benin Oba Ewuarin Ogidigan na biyu ya ja hankalin al’ummar masarautar Edo mazauna Kano da su himmatu wajen kawo  cigaban ta fuskar tattalin arzikin jihar Kano.

Ewuarin Ogidigan ya bayyana hakan ne yayin wani taron al’mmar jihar Edo mazauna jihar Kano a yau.

Ya ce shakka alaka tsakanin jihar Kano da Edo dadaddiya ce,  da ta haifar da alfanu a tsakanin jihohin biyu.

A yayin taron ‘Yan Dakan Kano, Alhaji Abbas Muhammad Dalhatu ne ya wakilci Sarkin Kano Muhammadu Sanusi na biyu.

Taron al’ummar jihar Edo karkashin masarautar Benin ya samu halartar al’ummar masarautar Benin mazauna jihar Kano,  da sauran ‘yan majalisar Sarkin na Benin.

Wakilin mu Shamsu Dau Abdullahi ya rawaito cewa, Masarautar Benin ta samu asali ne tun shekaru 900 da suka shude,  da yanzu take karkashin jihar Edo.

Galibi dai a wadancan shekaru masarautar tayi sarakuna da suka yi shura a bangarori daban-daban na rayuwar al’umma.

Yankin da sarakunan suke yin shugabanci a baya,  ya kasance mai dinbim tattalin arzikin karkashin kasa da albarkatun noma.

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!