Connect with us

Manyan Labarai

Kwankwaso mutum ne mai son kansa-Ganduje

Published

on

Gwamnan jihar Kano Dr Abdullahi Umar Ganduje yace dabiar sa ta tabbatar da al’amuran rayuwa su kasance kamar yadda Allah yaso shi ne sanadin da yasa tsohon Gwamnan Jihar Kano Rabiu Musa Kwankwaso ya samu cigaba a siyasa.

Gwamna Ganduje yace dabiarsa ta tabbatar da abubuwa sun tafi yadda ya kamata ya samo asali ne tun lokacin mulkin soja lokacin da aka zabi wadanda zasu wakilici Kano a majalisar tattauna tsarin mulkin Najeriya.

Gwamna Abdullahi Umar Ganduje na yin wannan magana ce lokacin da yake karbar tsohon shugaban jamiyyar PDP Injiniya Rabiu Suleiman Bichi.

Bayanin na Gwamna Ganduje jaridar Solace base ce ta samo shi kamar yadda sakataren yada labarai na Gwamna Abdullahi Umar Ganduje ya fitar.

Gwamna Abdullahi Ganduje ya cigaba da cewa ko a zaben shekarar 1999 lokacin da sojoji zasu bayar da mulkii sun tsaya takarar fitar da gwani a jamiyyar PDP da tsohon Gwamna Rabiu Musa Kwankwaso.

Gwamna Ganduje ya cigaba da cewa duk wadanda suka halacci zaben fitar da gwanin na gwamna a shekarar 1998 sun san cewa shi ya lashe zaben amma sai aka juyar da sakamakon domin Kwankwaso.

“Dalilin hakan ne yasa aka rarrashe ni in zama mataimakin tsohon Gwamna Rabiu Musa Kwankwaso inda na hakura na karba da zuciya daya, daga baya sai Injiniya Rabiu Musa Kwankwaso ya rika nuna min cewa kamar yayi min alfarma ne , na nuna masa cewa ba alafarma yake yi min ba illa naso a sake zaben fitar da gwanin ne”.

EFCC ta kwato kadarori 214 a hannun ‘yan siyasa da jami’an gwamnati

Hukumar INEC ta karyata zargin jam’iyyun siyasa na shrine daukar ma’aikatan N-Power

Gwamna Ganduje ya cigaba da cewa aje a tambayi Kwankwaso game da abunda ya faru tsakanin su, inda manyan yan siyasa irin su Alhaji Lili Gabari suka rarrashi shi Gwamna Ganduje.

Gwamna Abdullahi Umar Ganduje yayi bayanai sosai irin matsalolin da ya fuskanta tsakanin sa da tsohon Gwamna Rabiu Musa Kwankwaso inda yace shi da Injiniya Rabiu Suleiman Bichi sun san Kwankwaso sosai.

“Kai nine nake da kundun bayanai na waye Injiniya Rabiu Musa Kwankwaso ,kai nine Dikshinari na sanin waye Injiniya Rabiu Musa Kwankwaso ,kai banga mutum da yake da san kansa irin Inijiniya Rabiu Musa Kwankwaso ba, babu abunda ya sani sai kansa a duk abubuwan da yake yi.

Gwamna Ganduje yace yanzu babbar matsalar Kwankwaso a rayuwa shine mafarkin ya zama shugaban kasa ,shi yasa yake ta canja jam’iyyu daban daban kuma muna da labarin yana shirin dawo wa babbar jamiyyar mu ta APC  saboda yana ganin idan shugaba Buhari ya kammala wa’adin sa a shekarar 2023 zai iya zama shugaban kasa.

sama da jam’iyyun siyasa 100 ne za su shiga takara a zaben shekarar 2019-inec

Buhari, Zulum, Kwankwaso, El-Rufai- Wa Nigeria ta fi bukata a cikinsu?

Kai Kwankwaso bai yi farin ciki ba sanda Dr Abdullahi Umar Ganduje ya zama Gwamna a shekarar 2015 domin ko sau daya bai taba bina yakin neman zabe ba.

Kai ko kwabo bai bani ba a matsayin gudunmawar sa ta yakin neman zabe kai da na samu nasara a matsayin gwamnan jihar kano sai Injinya Rabiu Musa Kwankwaso ya fara nuna wasu halaye da basu kamata ba inji Gwamnan Kano Abdullahi Umar Ganduje.

 

Manyan Labarai

Bana neman matar Aure-BABANGIDA

Published

on

Tsohon shugaban mulkin sojin kasar nan janar Ibrahim Badamasi Banagida mai ritaya, ya ce, shi kam baya neman wata matar aure.

A wata zantawa da yayi da jaridar Daily Trust, janar Ibrahim Badamasi Babangida mai ritaya, ya ce, shi ba ya bukatar yin aure a yanzu, saboda duk wata kulawa da ya kamata ‘ya’ya su yiwa mahaifinsu ‘ya’yan sa, na yi masa.

Ya ce, a yanzu  a matsayin sa na dattijo dan sama da shekaru saba’in, yana ga ba ya bukatar sai ya yi aure.

A baya-bayan nan ne dai, rahotanni su  ka yi ta yawo a kafafen yada labarai da ke cewa, tsohon shugaban mulkin sojin na neman matar aure.

A ranar 7 ga watan Disamban shekarar 2009 ne, mai dakin tsohon shugaban kasar, Hajiya Maryam Ibrahim Badamasi Babangida, ta rasu a wani asbiti da ke birnin Los Angles a jihar California da ke kasar Amurka bayan ta yi fama da cutar daji. Tun daga nan dai har ya zuwa yanzu, tsohon shugaban kasar, bai kara yin aure ba.

Continue Reading

Labaran Kano

Rashin tsarin Siyasa na gari, shi ke cutar da Kano- Dattawan Jihar Kano

Published

on

Kungiyar da ke rajin ganin cigaban  jihar Kano mai suna Kano Concern Citizen Initiative, ta ce rashin tsarin siyasa na gari shi ke dankwafe cigaban jihar Kano.

A cewar kungiyar jihar Kano ta na shan fuskantar matsaloli da dama a wannan lokaci sakamakon rashin kyakkyawar tsarin siyasa na gari wanda zai daura jihar a turba mai kyau.

Wannan dai jawabi ne da shugaban kungiyar Alhaji Bashir Usman Tofa ya yi a zantawar sa da manema labarai, bayan kammala taro kan harkokin tsaro wadda kungiyar ta shirya yau a nan Kano.

Ya ce kungiyar ta damu matuka kan irin mawuyacin hali na koma baya ta kowace bangare Wanda jihar ke fuskanta a yanzu, wanda hakan ya sa suka ga ya zama wajibi su kira taron domin nemo mafita.

A nasa bangaren dattijo Alhaji Isah Bayero ya ce dole ne Idan an tashi irin wannan taro a rika duban matsalolin da ya shafi yankin Arewa baki daya saboda halin da ake ciki a Najeriya duk abinda ya shafi jihar Kano to ya shafi Arewa baki daya saboda haka ya bukaci masu shirya taron da su fadada tunaninsu wajen ganin ci gaban yankin Arewa.

A nasa bangaren shugaban cibiyar harkokin kasuwanci ta jihar Kano Alhaji Dalhatu Abubakar ya ce akwai rashin hakuri da Kuma juriya na ‘yan kasuwar jihar Kano ya na taka rawa wajen samun koma baya a harkar kasuwanci.

A cewar sa a lokuta da dama za su samu dama ta taimaka wa Yan kasuwa amma da an kawo tsarin sai Yan Kasuwa su ki zuwa su shiga cikin tsarin, yana mai cewa burunsu kawai kullum suji ance gwamnati za ta raba kudi ga yan Kasuwa nan ne za ka gansu gaba wajen rige-rigen zuwa.

Taron ya amince cewa har sai al’ummar jihar Kano baki daya sun hada kansu sannan za a samu nasarar dakile matsalolin da ke addabar jihar.

Continue Reading

Labaran Kano

Gwamnatin Kano za ta yi rigakafi ga yara sama da miliyan 3

Published

on

Gwamnatin jihar Kano ta ce za ta ci gaba da yakar cutar shan inna wato Polio, kasancewar cuta ce da ta ke taba laka tare da haifar da shanyewar wani bangare na jikin kananan yara a cikin kankanin lokaci.

Kwamishinan lafiya na jihar Kano Dakta Aminu Ibrahim Tsanyawa ne ya bayyana hakan yau a wani taron manema labarai da ya mayar da hankali a kan gangamin rigakafin cutar ta shan’inna da za a gudanar a kananan hukumomi 44 da ke nan jihar Kano.

Dakta Tsanyawa ya kuma kara da jan hankalin iyaye wajen baiwa jam’ian lafiya dake zagayawa gida-gida hadin kai domin yi wa yaransu allurar rigakafin domin hada hannu wajen yakar cutar.

Ya kuma ce a halin yanzu ma’aikatar ta karbi allurai fiye da miliyyan uku da dubu dari shida daga hukumar bunkasa lafiya ta kasa a matakin farko, inda ake sa ran yi wa yara miliyan uku da dubu dari biyu da arba’in da biyu da arba’in allurar, wadanda suke tsakanin watanni 59, inda kuma tuni aka baiwa ma’aikata dubu talatin horo a kan aikin.

Wakiliyarmu Zahra’u Nasir ta ruwaito cewa kwamishinan ya ce tuni ma’aikatar lafiya ta dauki matakan kariya cikin gaggawa domin hana cutar nan ta Corona Virus shigowa jihar Kano.

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!