Connect with us

Manyan Labarai

Shekaru Goma Sha Shida Kenan Cif Da Kafa Kamfanin Da Yafi Nigeria Arziki

Published

on

Daga Abdullahi Isah

A rana irin ta yau hudu ga watan Fabrairu a shekarar dubu biyu da hudu wani hazikin matashi mai suna Mark Elliot Zuckerberg, ya kaddamar da wata manhajjar shafin sada zumunta wanda ya radawa suna ‘Facebook’.

Wannan matashi dai tare da tallafin wasu abokansa da su ke zama daki daya a Jami’ar Havard da ke kasar Amurka ya kaddamar da wannan fasaha ce a cikin  dakin su na makaranta.

Tun daga waccan lokaci zuwa yanzu Kamfanin Facebook sai kara bunkasa ya ke an Kuma fara tallata hannayen jarinsa a shekarar dubu biyu da goma sha biyu.

A yanzu dai kadarorin wannan Kamfani na Facebook ya kai dala biliyan dari da talatin da uku da miliyan dari uku da sabain da shida.

Hukumar kula da kamfanoni sadarwa ta ce ta gano yadda ake cirewa kwastamomi kudade babu gaira babu dalili

A shekarar da ta gabata ta dubu biyu da goma sha Tara Kamfanin Facebook ya ci ribar dala biliyan sabain da miliyan dari shida da casa’in da bakwai. Bugu da kari, Kamfanin Facebook ya na da maaikata dubu arba’in da hudu da dari tara da arba’in da biyu.

Haka zalika Kamfanin Facebook shine ya mallaki wadannan kamfanoni: Instagram da Messenger da WhatsApp da Watch da Portal da Oculus da Kuma Calibra.

Kamfanin Facebook dai yana da shalkwata a Menlo Park da ke jihar California a kasar Amurka.

Kowane darasi matasan kasar nan zasu koya game da wannan matashi da ya kafa wannan katafaren Kamfani? Wannan dai tambaya ce mai saukin amsawa sai dai Kuma fahimtarta ita ce babban abin dubawa.

A tawa Fahimtar babban darasi da ya kamata matasa su koya kan Kamfanin Facebook da Kuma Mark Zuckerberg da ya kirkiro dashi shine Fahimtar cewa ilimi zai iya sa wa mutum ya mallaki kowane irin dukiya a duniya. Domin a yanzu Mark Zuckerberg yana cikin manyan attajirai na duniya guda ashirin da suka fi dukiya a duniya.

Haka zalika shine mafi karancin Shekaru cikin wadannan manyan attajirai, sannnan babu abinda ya yi sanadiyar hakan face ilimi.

Idan aka kwatanta dukiyar ajiya na kasar nan da ke ketare a karshen watan Disamba shekarar da ta gabata, kasar nan tana da sama da dala biliyan talatin da takwas, yayin da a bangare guda Kamfanin Facebook ke da kadarar sama da dala biliyan dari da talatin da uku yayin da  Mark Zuckerberg ya mallaki sama da dala biliyan tamanin. Wannan karara ya nuna cewa Kamfanin Facebook ya fi kasar nan dukiya.

Ba ya ga dukiya Kamfanin Facebook ya taka rawa wajen mai da duniya wata ‘yar kankanuwar kauye inda yanzu jama’a ke sanin abinda ya faru a Kowane sassa na duniya cikin kankanin lokaci.

Ba ko shakka Kamfanin Facebook  a yanzu ya saukaka hanyoyin yada labarai da sada zumunci ba ya ga zama wata kafa na samar da aikin yi ga dumbin jama’a a duniya.

Masu sharhi kan harkokin tattalin Arziki sun yi ittifakin cewa a yanzu Facebook kusan shine kan gaba wajen samar da aikin yi a duniya baki daya.

Tabbas duniya za ta dade  ba ta manta da irin gudunmawar da Mark Zuckerberg ya bayar ba wajen sauya rayuwar alummar duniya sakamakon fasahar da ya kirkiro.

Muna taya Kamfanin Facebook murnar cika Shekaru goma sha shida da kafuwa.

 

Manyan Labarai

Bana neman matar Aure-BABANGIDA

Published

on

Tsohon shugaban mulkin sojin kasar nan janar Ibrahim Badamasi Banagida mai ritaya, ya ce, shi kam baya neman wata matar aure.

A wata zantawa da yayi da jaridar Daily Trust, janar Ibrahim Badamasi Babangida mai ritaya, ya ce, shi ba ya bukatar yin aure a yanzu, saboda duk wata kulawa da ya kamata ‘ya’ya su yiwa mahaifinsu ‘ya’yan sa, na yi masa.

Ya ce, a yanzu  a matsayin sa na dattijo dan sama da shekaru saba’in, yana ga ba ya bukatar sai ya yi aure.

A baya-bayan nan ne dai, rahotanni su  ka yi ta yawo a kafafen yada labarai da ke cewa, tsohon shugaban mulkin sojin na neman matar aure.

A ranar 7 ga watan Disamban shekarar 2009 ne, mai dakin tsohon shugaban kasar, Hajiya Maryam Ibrahim Badamasi Babangida, ta rasu a wani asbiti da ke birnin Los Angles a jihar California da ke kasar Amurka bayan ta yi fama da cutar daji. Tun daga nan dai har ya zuwa yanzu, tsohon shugaban kasar, bai kara yin aure ba.

Continue Reading

Labaran Kano

Rashin tsarin Siyasa na gari, shi ke cutar da Kano- Dattawan Jihar Kano

Published

on

Kungiyar da ke rajin ganin cigaban  jihar Kano mai suna Kano Concern Citizen Initiative, ta ce rashin tsarin siyasa na gari shi ke dankwafe cigaban jihar Kano.

A cewar kungiyar jihar Kano ta na shan fuskantar matsaloli da dama a wannan lokaci sakamakon rashin kyakkyawar tsarin siyasa na gari wanda zai daura jihar a turba mai kyau.

Wannan dai jawabi ne da shugaban kungiyar Alhaji Bashir Usman Tofa ya yi a zantawar sa da manema labarai, bayan kammala taro kan harkokin tsaro wadda kungiyar ta shirya yau a nan Kano.

Ya ce kungiyar ta damu matuka kan irin mawuyacin hali na koma baya ta kowace bangare Wanda jihar ke fuskanta a yanzu, wanda hakan ya sa suka ga ya zama wajibi su kira taron domin nemo mafita.

A nasa bangaren dattijo Alhaji Isah Bayero ya ce dole ne Idan an tashi irin wannan taro a rika duban matsalolin da ya shafi yankin Arewa baki daya saboda halin da ake ciki a Najeriya duk abinda ya shafi jihar Kano to ya shafi Arewa baki daya saboda haka ya bukaci masu shirya taron da su fadada tunaninsu wajen ganin ci gaban yankin Arewa.

A nasa bangaren shugaban cibiyar harkokin kasuwanci ta jihar Kano Alhaji Dalhatu Abubakar ya ce akwai rashin hakuri da Kuma juriya na ‘yan kasuwar jihar Kano ya na taka rawa wajen samun koma baya a harkar kasuwanci.

A cewar sa a lokuta da dama za su samu dama ta taimaka wa Yan kasuwa amma da an kawo tsarin sai Yan Kasuwa su ki zuwa su shiga cikin tsarin, yana mai cewa burunsu kawai kullum suji ance gwamnati za ta raba kudi ga yan Kasuwa nan ne za ka gansu gaba wajen rige-rigen zuwa.

Taron ya amince cewa har sai al’ummar jihar Kano baki daya sun hada kansu sannan za a samu nasarar dakile matsalolin da ke addabar jihar.

Continue Reading

Labaran Kano

Gwamnatin Kano za ta yi rigakafi ga yara sama da miliyan 3

Published

on

Gwamnatin jihar Kano ta ce za ta ci gaba da yakar cutar shan inna wato Polio, kasancewar cuta ce da ta ke taba laka tare da haifar da shanyewar wani bangare na jikin kananan yara a cikin kankanin lokaci.

Kwamishinan lafiya na jihar Kano Dakta Aminu Ibrahim Tsanyawa ne ya bayyana hakan yau a wani taron manema labarai da ya mayar da hankali a kan gangamin rigakafin cutar ta shan’inna da za a gudanar a kananan hukumomi 44 da ke nan jihar Kano.

Dakta Tsanyawa ya kuma kara da jan hankalin iyaye wajen baiwa jam’ian lafiya dake zagayawa gida-gida hadin kai domin yi wa yaransu allurar rigakafin domin hada hannu wajen yakar cutar.

Ya kuma ce a halin yanzu ma’aikatar ta karbi allurai fiye da miliyyan uku da dubu dari shida daga hukumar bunkasa lafiya ta kasa a matakin farko, inda ake sa ran yi wa yara miliyan uku da dubu dari biyu da arba’in da biyu da arba’in allurar, wadanda suke tsakanin watanni 59, inda kuma tuni aka baiwa ma’aikata dubu talatin horo a kan aikin.

Wakiliyarmu Zahra’u Nasir ta ruwaito cewa kwamishinan ya ce tuni ma’aikatar lafiya ta dauki matakan kariya cikin gaggawa domin hana cutar nan ta Corona Virus shigowa jihar Kano.

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!