Manyan Labarai
Kasar Saudiya ta dakatar da zuwa Umara
![](https://freedomradionig.com/wp-content/uploads/2020/02/Kaaba-in-Mekka.jpg)
Kasar Saudi Arebiya ta dakatar da bayar da izinin shiga kasar wato Visa, ga masu niyyar zuwa kasar don yin Ibadar Umrah.
A cewar gwamnatin kasar wannan wani mataki ne na kokarin dakile yaduwar cutar Corona wadda aka canjawa suna Covid19.
Wannan na zuwa ne a dai-dai lokacin da dubban musulumin duniya ke shirin zuwa gasar domin gudanar da ibadar Umara a watan azumin Ramadan.
Rahotanni sun ce, ya zuwa yanzu, ba a samu labarin bullar cutar a kasar ta Saudi Arebiya ba, sai dai an samu a makociyarta wato kasar Iran.
Masu lura da lamuran yau da kullum dai na ganin cewa, kasar ta Saudi Arebiya tana halin tsaka mai wuya, sakamakon cewa a watan Yuli za a fara shiga kasar domin gudanar da aikin Hajji.
You must be logged in to post a comment Login