Connect with us

Labarai

Abin da ya sanya ba zamu iya tsayawa Malam Abduljabbar ba – Lauyoyin bada agaji

Published

on

Kotu ta yi watsi da buƙatar lauyoyin Gwamnati na a bai wa Kwamishinan shari’a na Kano damar bai wa Abduljabbar Nasir Kabara lauyan da zai ba shi kariya.

A zaman kotun shari’ar musulunci ta Ƙofar Kudu na yau ƙarƙashin mai shari’a Ibrahim Sarki Yola, an gabatar da lauyoyi daga hukumar bada agajin shari’a.

Sai dai sun gabatarwa da Kotu bayanai da hujjoji kan cewa ba zasu iya tsayawa domin kare malamin ba.

Daga cikin dalilan, sun ce, suna kare wanda albashinsa bai gaza dubu talatin ba, sannan ba shari’ar da ake zargin ɓatanci ba.

A nan ne kuma lauyan Gwamnati Yakubu Abdullahi ya nemi kotu ta bai wa Kwamishinan shari’a damar ɗaukarwa Malamin lauya.

A ƙarshe Kotu ta yi watsi da buƙatar lauyan Gwamnati, sannan ta umarci a rubutawa wani lauya mai zaman kansa Barista Ɗalhatu Shehu takarda domin ya zama mai kare malamin.

An kuma ɗage shari’ar zuwa ranar 9 ga watan Yunin da muke ciki.

Labarai masu alaƙa:

Abduljabbar ya kori lauyoyinsa

Bayan fitowa daga shari’ar Abduljabbar Nasiru Kabara 03-02-2022

Idan zaku iya tunawa a zaman Kotun na baya, Abduljabbar Nasir Kabara ya raba gari da lauyoyin da suke kare shi a karo na biyu, abin da ya sanya Kotu ta nemi a bashi lauyoyi daga hukumar bada agajin shari’a.

Gwamnatin Kano ce dai ke ƙarar malamin bisa zargin yin kalaman ɓatanci ga manzo (s.a.w), zargin da malamin ya musanta a gaban Kotu.

Kafin a kai ga Kotun dai sai da Gwamnatin Kano ta shiryawa Malamin Muƙabala tare da Malaman Kano wadda aka shafe sama da awanni biyar amma ya gaza kare kansa.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Archives