Abin da yasa na ajiye muƙamina – Abdul’aziz Gafasa

Tsohon shugaban majalisar dokokin Kano Abdul’aziz Garba Gafasa ya bayyana dalilan ajiye muƙaminsa.

A zantawarsa da Freedom Radio Gafasa ya ce, ya ajiye muƙamin ne kasancewar wasu na ganin ya gaza.

“Mun sauka ne don ƙashin kanmu, domin mu bada dama masu ganin kuskure a ke yi, yanzu an samu dama sai wani ya gyara”.

Dangane da rahotannin cewa shi da wasu ƴan majalisa 13 na shirin sauya sheƙa zuwa PDP Gafasa ya ce babu gaskiya cikin labarin.

“Tunda na ke ban taɓa zama da ƴan wata jam’iyya ba, kan shirin canja jam’iyya”.

Gafasa ya ce, har yanzu yana cikin jam’iyyar APC, kuma suna yiwa sabon shugabancin majalisar fatan alkhairi.