Jami’an ‘yan sanda a birnin tarayya Abuja, sun cafke wasu da ake zargin cewa masu garkuwa da mutane ne a maɓoyarsu da ke cikin dazuka da wasu tsaunika yankin Apo.
Mai magana da yawun rundunar, SP Josephine Adeh ce ta bayyana hakan ta cikin wata sanarwa da ta fitar yau Laraba.
Sanarwar ta ruwaito cewa jami’an rundunar ƙarƙashin jagorancin kwamishinan ƴan sandan birnin Benneth Igweh, sun kai samame cikin dazuka da ke kewayen shiyyar Zone A da B na unguwar Apo domin tabbatar da tsaro a yankin saboda ana ganin wurin ya zama maɓoyar masu sace mutane.
Ta kara da cewa, Samamen ya haɗa da ƙone gidajen da aka yi ba bisa ƙa’ida ba da dazukan da ke kewayen tsaunuka da kuma tura ƴan sanda su yi rangadi a yankunan.
You must be logged in to post a comment Login