Adadin masu Corona sun haura 100 a jihar Borno

Gwamnatin jihar Borno ta tabbatar da cewa yanzu haka mutane 106 aka tabbatar sun kamu da cutar Covid-19 a jihar.

Ma’aikatar lafiya ta jihar Borno ta wallafa a shafinta na Twitter cewa a ranar Talata an samu karin mutane 6 wadanda suka kamu da cutar a jihar, wanda ya kai adadin zuwa mutane 106.

Har ila yau, sanarwar ta kara da cewa izuwa yanzu mutane 14 ne suka rasa ransu sanadiyyar cutar a jihar.

Wakilin mu a jihar Borno Alaji Ibrahim Injiniya ya zanta da kwamishinan lafiya na jihar Dakta Salihu Aliyu Kwaya-Bura wanda ya tabbatar masa da cewa yanzu an sallami mutane 2 na farko da suka warke daga cutar Covid-19 a jihar.

Karin Labarai:

Ma’aikatan lafiya 7 sun kamu da Coronavirus a Borno

Rundunar Soji ta musanta labarin kai hari barikin sojoji a Borno