Aisha Buhari Cup: Rashin shugabanci na gari ke kawowa Super Falcons koma baya Isma’ila Mabo

Tsohon mai horos da kungiyar kwallon kafa ta Super Falcons Ismaila Mabo, ya ce hukumar kwallon kafa ta Kasa NFF bata gudanar da ayyukan ta yadda ya kamata.

Isma’il ya kuma ce yadda aka san kungiyar kwallon kafa ta Super Falcons daga kan shekara ta 1999 an santa ne a babban matsayi a duniya.

Ya ce a shekara ta 1999 din Falcons ta kai matakin quarter-finals a gasar cin kofin Duniya na mata.

Sai dai a yanzu saboda rashin gudanar da ayyuka yadda ya kamata ta kungiyar ke samun koma baya.