Ajiye makaman mayaƙan boko haram nasarace – Ahmad Lawal

Shugaban majamlisar dattijai Ahmad Lawal ya ce, ajiye makamai da ƴan boko haram ke yi ga jami’an tsaron ƙasar nan babban ci gaba ne a harkokin tsaro.

Ahmad Lawan ya bayyana hakan, lokacin da ya ziyarci Shehu Barno Alhaji Abubakar Ibn Garbai, don yi masa ta’aziyyar rasuwar ɗan uwan sa da ya rasu a Maiduguri.

Shugaban majalisar ya sake tabbatarwa yan Najeriya cewa, gwamnatin tarayya za ta yi duk me yiwuwa don ganin an dawo da zaman lafiya da walwalar al’umma.