Akasarin sinadaran wanke hannu jabu ne- Boss Mustapha

Gwamnatin tarayya ta ce kashi 63 cikin 100 na sinadarin man ruwa na wanke hannu ba ya kare cututtuka kuma ba na gaskiya ba ne, bayan da suka karade kasar nan.a wannan lokaci da ake fama da Korona.

Shugaban kwamitin kartakwana na shugaban kasa Boss Mustapha ya bayyana haakan a yayin da yake jawabi a yayin taron da suka saba yin a kullum a babban nbirnin tarayya Abuja.

Akan haka ne Boss Mustapha ya shawarci alummar kasar nan da su dinga siyan man ruwa na wanke hannu a shagunan saida magunguna na kasar nan kafin su sanya a hannuwan su kasancewar yawancin wadanda ake amfani da su basu da rijista.

Da yake jawabi, Boss Mustapha ya ne duk dan Najeriya mai kishin kasa da su guji yin sinadirin wanke hannun a gidajen sub a tare da jami’an NAFDAC sun duba ingancin sa ba.