Akwai yiwuwar ci gaba da fuskantar wahalar Fetur a wasu jihohin Nijeriya

Har kawo yanzu haka dai rahotanni na nuni da cewa akwai yiyuwar ci gaba da fuskantar rashin wadatuwar Man Fetur a birnin tarayya Abuja har ma da wasu jihohin Arewacin kasa.

Haka kuma rahotoonin sun nuna alamun cewa wahalar Fetur din wadda yan Nijeriya ke fama da ita tun watannin baya, za ta ci gaba da faruwa har zuwa bayan kammala zaben gwamnoni da za’ayi a ranar Asabar mai zuwa.

Karancin Fetir din dai ya fi ta’azzara a Abuja da Neja da kuma wasu jihohin yankin Arewa, inda kadan daga ciki gidajen Mai ne kadai ke siyar da shi a farashi mabambanta.

Farashin kowace lita guda dai ya kai naira dari hudu a gidajen man da ke dillancin sa, yayin da na ‘yan bunburutu a ke sayar da lita naira dari hudu da hamsin zuwa dari biyar.