Allah ya yi wa Ghali Umar Na’abba rasuwa

Allah ya yi wa tsohon shugaban Majalisar Wakila ta Nijeriya Ghali Umar Na’Abba rasuwa ya na da shekaru Siitin da Biyar a duniya.

Rahotonni daga iyalan marigayin sun tabbatar da cewa ya rasu ne a wani asibiti da ke birnin tarayya Abuja sakamakon rashin lafiyar da ta yi sanadiyyar kwantar da shi a asibitin.

Haka kuma iyalan nasa sun bayyana cewa ya rasu ne da Asubahin yau Laraba.

Marigayi Alhaji Ghali Umar Na’abba ya zama dan majalisar wakilai mai wakiltar mazabar birnin Kano watau Kano Municipal a shekarar 1999.

Haka kuma, ya zama shugaban Majalisar wakilan daga shekarar 1999 zuwa 2003.