Kai tsaye: Ana gudanar da jana’izar Marigayiya Saratu Daso

Yanzu haka ana gudanar da jana’izar Marigayiya fitacciyar ƴar masana’antar Kannywood Saratu Gidado, da aka fi sani smda Daso, wadda rasuwa wayewar garin yau Talata.

Yanzu haka dai an kammala yi wa marigayiyar Sallah a harabar gidan Sarkin Kano inda aka wuce maƙabarta domin binne ta.

Rahotonni sun bayyana cewa marigayiyar ta rasu ne tana da shekaru 56 a duniya.

A zantawar Freedom Radio da ƙanin ga marigayiyar Mustapha Ibrahim Ci Gari, ya tabbatar da rasuwar tata ya na mai cewa za a yi jana’izarta da misalin ƙarfe 4:00 na yammacin yau Talata.

An haifi marigayi Saratu Gidado ne a ranar 17 ga watan Janairun shekarar 1968, inda ta shafe fiye da shekaru 20 tana taka rawa a masana’antar Kannywood.

Da fatan Allah ya jiƙanta da gafara ya kuma bai wa al’ummar Musulmi jure rashinta.