An bakaɗo ma’aikaciyar bogi a asibitin Barau Dikko da ke Kaduna

Asibitin koyarwa na Barau Dikko da ke jihar Kaduna ya bankaɗo wata da ke aiki da takardun bogi cikin ma’aikatan asibitin.

Shugaban asibitin Farfesa Abdulƙadir Musa Tabari ne ya bayyana hakan, inda ya ce, tuni suka miƙa ta ga jami’an tsaro domin ci gaba da bincike.

Farfesa Tabari ya ce, ba zasu lamunci irin hakan ba, zasu ci gaba da bincike domin zaƙulo ɓata-gari da ke amfani da takardun bogi a asibitin.

A ƙarshe ya sha alwashin cewa, za su yi iya ƙoƙarin su domin tabbatar da ganin cewa sai iya ƙwararrun ma’aikata ne za su yi aiki a asibitin.