An ci tarar wasu kamfanoni bisa karya dokar tsaftar muhalli

Gwamnatin jihar Kano ta yankewa wasu kamfanoni biyu tarar naira dubu dari biyar kowannen su.

Kamfanonin biyu sun hadar da JK company da GP Tank da ke rukunin masana’antu na sharada.

Kotun tafi da gidanka kan tsaftar muhalli karkashin mai shari’a Aminu Muhammad Gabari ce ta yanke hukuncin.

Hukuncin ya biyo bayan yadda aka samu kamfanonin biyu sun bude suna ci gaba da kasuwancin su daidai lokacin da ake gudanar da tsaftar muhalli na karshen wata.

Tuni dai kwamishinan muhalli Dakta Kabiru Ibrahim Getso ya bada umarnin aikewa da kamfanonin biyu takardar rufewa har sai sun cika ka’idojin da aka gindaya musu.