An dakatar da jarrabawar NECO sai abinda hali yayi

Hukumar shirya jarrabawar kammala sakandare ta kasa NECO ta dage rubuta jarrabawar a fadin kasar nan har sai abinda hali ya yi.

Hukuncin ya biyo bayan tashe-tashen hankulan da ake fama da shi a wasu sasan kasar na zanga-zangar Endsars.

Hakan na cikin wata sanarwa da shugaban sashen yada labarai na hukumar Azeez Sani ya fitar.

Ya ce hukumar gudanarwa ta NECO ta gudanar da wani taron gaggawa don yin nazarin halin da ake ciki, tare da fitar da matakin da ya kamata.