Labaran Kano
An fara aikin tsaftace makabartu a Kano
Wasu al’umma a jihar Kano sun fara wani yunkuri na musamman domin gyaran makabartun dake jihar.
A jiya Alhamis ne aka fara aikin gyara da tsaftace makabartun inda aka fara da makabartar Tarauni dake birnin Kano, wata mai kishin al’umma mai suna Hajiya Zainab Ahmad ce ta jagoranci aikin, ta kuma bayyanawa Freedom Radio cewa aikin na tafiya yadda ya kamata sannan akwai bukatar karin fitowar jama’a domin bada gudummuwarsu da karfinsu wajen dorewar aikin.
Al’umma daban-daban da kungiyoyi da dama ne suka samu halartar aikin a jiya Alhamis.
Kalli hotunan yadda aikin ya gudana:
