An kamo ƴan bindigar da suka yi garkuwa da ɗaliban Greenfiel da Bethel Baptist – yan sanda

Rundunar ‘yan sandan Jihar Kaduna ta samu nasarar cafke ‘yan bindigar da suka yi garkuwa da daliban makarantar Greenfield da kuma na Bethel Baptist da ke karamar hukumar Chikun a Jihar Kaduna.

Haka zalika ‘yan sandan sun kama ‘yan bindigar da suka yi garkuwa da da dalibai 37 na Kwalejin nazarin harkokin tsirrai ta Afaka da ke karamar hukumar Igabi.

Mai magana da yawun rundunar ASP Muhammad Jalige ne ya tabbatar da hakan jiya, lokacin da yake holin mutanen da aka kama a shelkwatar yan sandan Jihar.

Jalige ya ce daga cikin wadanda suka kama har da wani mai suna Usman ‘dan asalin karamar hukumr Bukuyum da ke Jihar Zamfara, wanda suka ce ya shahara wajen garkuwa da mutane.