An sallami Pele daga Asibiti

Tsohon dan wasan kasar Brazil Pele ya koma gida bayan da aka sallameshi daga asibiti sakamakon jinya da ya sha.

Mai shekaru 80 ya kasance a bangaren masu kulawa ta musamman wato ICU tun a ranar 4 ga watan Satumbar daya gabata.

Mahukuntan asibitin ne dai suka sanar da sallamar Pele a wani rubutu da suka wallafa a shafin Internet a ranar Juma’a 01 ga watan Oktobar 2021.

Pele dan kasar Brazil wanda ya lashe gasar cin kofin Duniya har sau uku a shekarun 1958, 1962 da kuma 1970.

Kuma ya zama dan wasan guda da yafi kowa zura kwallo a tarihin kasar da yawan kwallaye 77 a wasanni 92 da ya buga.