An samu raguwar rashin tsaro cikin mako 2- Ribadu

Babban mai bai wa shugaban kasa shawara kan harkar tsaro Malam Nuhu Ribadu, ya yi iƙirarin cewa rashin tsaro ya ragu cikin mako biyu, bayan naɗa sabbin manyan hafsoshin tsaron Nijeriya.

Malam Nuhu Ribadu, wanda ya yi wannan furuci bayan wata ziyara da hafsoshin tsaron suka yi wa shugaba Bola Tinubu a fadarsa da ke Abuja.

Ya kuma ce, hakan ta tabbata ne saboda ƙwararrun da aka zaɓa a matsayin masu jagorantar sha’anin tsaron.

Haka kuma ya kara da cewa sun ziyarci shugaban ƙasar ne domin su nuna godiya da damar da aka ba su, ta bayar da irin tasu gudunmawar wajen ci gaban ƙasa, kuma za su yi aiki tukuru waje tabbatar da ingantaccen tsaro.