An tabbatar da mutuwar mutane 160 sanadiyar hatsarin kwale-kwale a jihar Kebbi

Hukumar kula da madatsun ruwa ta kasa (NIWA) ta ce akalla mutane 160 ne ake zaton sun rasa rayukansu sanadiyar hatsarin jirgin kwale-kwale da ya ritsa da su a kogin Kwara da ke jihar Kebbi.

A jiya laraba ne dai rahotanni su ka ce an samu hatsarin jirgin na kwale-kwale wanda ke dauke da fasinjoji da dama.

Sai dai hukumar ta ce ya zuwa yanzu gawarwaki hudu ne kacal aka samu nasarar tsamosu daga cikin kogin.

Babban jami’in hukumar ta NIWA mai kula da yankin Yauri, Yusuf Birma ya shaidawa manema labarai cewa, fasinjoji 156 daga cikin 180 d ke cikin jirgin har yanzu ba akai ga gano inda suke ba