An wanke Alhassan Ado Doguwa daga zargin kisan kai

Rahotannin na nunar da cewa an zargi Ofishin Antony Janar na jihar Kano da wanke dan majalisar tarayya mai wakiltar kananan hukumomin Doguwa da Tudun Wada Alhassan Ado Doguwa, daga tuhumar zargin kisan Kai da aikata Keta da ake masa.

Wata majiya ta tabbatarwa da Freedom Radio cewa an janye karar tare da baiyyana shedun da aka gabatar akan tuhumar sun ci karo da juna kuma basu inganta ba.

A baya dai lauyan da ke magana da yawun Antoni Janar din na Kano Barister Abba Lamido Soron Dinki ya yi rantsuwar cewar ba za su janye tuhumar ba, don haka Freedom Radio ta sake tambayarsa ko mai zai ce kan wannan batu?

Sai ya ce, ba shi da masaniya kan lamarin, kuma hakan ya samo asali ne tun bayan da aka janye shi daga cikin shari’ar