Ana gudanar da zaben cike gurbi a jihar Adamawa

A yayin da aka fara gudanar da zaben cike gurbi a jihar Adamawa a yau, matainakin babban sifeton yan sandan kasar nan daga shiyya ta uku AIG Haruna Huzi Mrshalia ne ke jagorantar al’amuran tsaro a jihar.

Zaben dai zai gudana ne tsakanin yan takara biyu da suka hadar da gwamnan jihar Jibrila Bindow na jam’iyyar APC da kuma Ahmadu Fintiri na jam’iyyar PDP

Ko da yake a baya jam’iyyar APC ta yi barazanar kauracewa shiga zaben, sai dai a yammacin jiya ne kuma suka lashe aman su suka kuma amince da shiga zaben.

A yanzu haka dai an girke jami’an tsaro a ko ina a fadin jihar karkashin mataimakin sifeton yan sadan kasar Haruna Huzi domin tabbatar da tsaro yayin gudanar da zaben.

Hukumar zaben ta kasa INEC ce dai ta ayyana zaben jihar a matsayin wanda bai kammala ba bayan da aka samu tazarar kuri’u40, 988 inda aka samu matsaloli a rumfunan zaben 44 a cikn mazabu 28