Connect with us

Labarai

Ana zargin sarakunan mayun Kano na bogi ne

Published

on

Masu fashin baki  kan al’amuran yau da kullum sun bayyana cewar ofishin karbar korafe-kaorafe da yaki da cin hanci da karbar rashawa na jihar Kano karkashin shugabancin Barrister Muhyi magaji Riming ado,ta kawo karshen karyace-karyace da wasu ke yi da sunan Maita.

Masu bibiyar shafukan jaridu da na Internet idan suna biye damu a ‘yan kwanakin nan an t- kai-ruwa-rana dagane da yadda wasu masu yan dabaru ke amfani da  sunan maita ,har ma su dinga dora mutane a keken bera,karshe ma kaga an zo ana haddasa husuma a tsakanin mutane.

Rahotannin sun bayyana cewar, a kokarin dakile husumar ne ma yasa Anti corruption ta tashi haikan domin kawo karshen wnnan matsala, har ma aka kamo sarkin mayun Albasu da na Rege a karamar hukumar Wudil

Koda yake zuwan su hukumar sun ce ,kuskure aka samu domin dama can su ba mayu bane, kawai dai suna nutso da malafa ne domin samun abinci.

Wakilin mu Nasir Salisu Zango  a wancan lokaci ya zanta da fadar sarkin mayun Kano dake Gano,wanda a tattaunawar tasu yake cewar sudai wadannan sarakuna sune dai suke karya amma shi fadar su sun gaji maita kuma suna aikata ta.

 

Alhaji  Yahya Ali shine chiroman mayun Kano,na biyu mafi girman sarauta a fadar sarkin mayu dake garin Gano,ya hakikance akan cewar maitar tasu gaskiya ce.

Sarkin mayun boge ya karyata kansa

Mun kama Sarkin mayu na bogi-Muhiyi Magaji

Dole masu ruwa da tsaki su amince da hukuncin kotuna -Sarkin Kano

Sai dai a zantawar su dashi Nasiru Salisu Zango  y ace tun da dai ana magan ne akan tantance gaskiya ya roke shi da ya kama shi  alabasshi idan jiki sa  ya gaya masa sai a sake shi kaga Kenan sai ya idar kuma idan juna nan sa surutu gaba ya idar ya kuma cigaba da girmama wannan fada ta sarkin mayun Kano,a cewar Zango

Amma kuma  Zangon ya tabbatar da cewar Sarkin Mayun ya kasa kama shi kuma yaki aikata wani abu makamancin haka, wanda hakan ke nuni da cewar karya yake yi.

Har ila yau shima muyi magaji shugaban hukumar ta anti corruption ya bukaci chiroman na mayu wnada yake cewar yana kallon hanjin cikin mutane da ya gaya masa nau’in abin da yayi karin kumallo dashi ,nan ma dai aka yi tataburza.

Yanzu haka dai duka wadannan sarakunan mayu uku sun jadadda cewar dama can abin nasu ‘yan dabaru ne da nutso da malafa,sun kuma shaida cewar tun da sawun giwa ya taka na rakumi to sun zama sarakan tuwo da shayi maimakon sarakunan mayu.

Coronavirus

Covid-19: El-rufa’i ya kara tsawaita dokar kulle a Kaduna

Published

on

Gwamnan jihar Kaduna Malam Nasir El-rufai ya kara tsawaita dokar kulle da zaman gida tsawon makonni biyu a jihar.

Mataimakiyar gwamnan jihar Dakta Hadiza Sabuwa Balarabe ce ta bayyana hakan, cikin wata sanarwa da fitar a yammacin Talatar nan wanda ta ce gwamnati ta tsawaita dokar kulle da zaman gida a jihar ne domin dakile cutar Corona.

Sanarwar ta bukaci al’ummar jihar ta Kaduna da su cigaba da daukar matakan kariya da masana kiwon lafiya suka gindaya na sanya takunkumin rufe baki da hanci, da yawaita wanke hannu da kuma bada tazara a tsakanin juna, sannan al’umma su kaucewa taron jama’a masu yawa.

Haka kuma gwamnatin jihar ta ce a yanzu al’umma za su rika sararawa a ranaku guda uku a jere cikin mako ranakun sune, ranar Talata Laraba da kuma ranar Alhamis.

Kananan wuraren kasuwanci da aka amince su bude za su rika fitowa a wadannnan ranaku daga karfe 10 na safe zuwa 4 na yamma.
Su kuwa jama’a masu zirga-zirga za su rika fita ne daga karfe 6 na safe zuwa 6 na yamma a ranakun.

Har ila yau gwamnatin Kaduna ta gargadi ‘yan kasuwannin da ba a amince musu su bude ba, kan suyi biyayya da dokokin da aka sanya.

Har ila yau, sanarwar ta kara da cewa kotun tafi da gidanka zata cigaba da ayyukanta domin hukunta masu karya dokoki da kuma masu yawon dare a yayin dokar kullen.

Haka kuma gwamnatin Kaduna tace makarantu da wuraren ibadu dukkansu za su cigaba da zama a kulle.

Sanarwar tace yanzu haka jihar Kaduna ta yiwa mutane dubu daya da dari tara (1900) gwajin cutar Corona inda ta samu mutane 189 dake dauke da cutar.

A karshe gwamnatin Kaduna ta ce cikin wannan karin makonni biyu zata mayar da hankali wajen kara habaka ayyukanta na yaki da cutar Coronavirus.

*BS*

Continue Reading

Coronavirus

‘Yan kasuwa sun nemi Ganduje ya bude Kasuwanni sau biyu a mako

Published

on

‘Yan Kasuwa sun  bukaci gwamnan jihar Kano, Dakta Abdullahi Umar Ganduje, da ya duba dokar kulle na zaman gida tare da bada dama ga ‘yan Kasuwannin Sabongari da Kwari da na  Singer domin fitowa Kasuwancin su a kebabbun ranakun  da aka ware a mako don gudanar da nasu Kasuwancin.

Alhaji Imamu Tafida, Tafidan Dakayyawa kuma daya daga cikin Dattijan Kasuwar Muhammad Abubakar Rimi, wato Sabongari shi ne yayi wannan kira duba da mawuyacin halin da ‘yan Kasuwan suke ciki kamar yadda jagororin  Kasuwar suka tabbatar.

Alhaji Imamu Tafida, ya ce ‘yan kasuwa da dama, sun tafka asara ta miliyoyin nairori sakamakon rufe kasuwannin, kasancewar kayan da suka siyo basu shigo ba dalilin hana shige da fice, hakazalika wanda ake dasu a kasuwar ba a siyar dasu ba.

Tafidan Dakayyawan, ya kuma bada tabbaci ga gwamnati na cewar zasu yi duk mai yiwuwa wajen daukar matakan kariya daga cutar ta Corona daga bangaren su da masu mu’amala dasu da zarar an basu damar gudanar da Kasuwancin su.

Wakilin mu, Aminu Halilu Tudunwada, ya ruwaito mana cewa, Alhaji Imamu Tafida, ya bukaci al’umma dasu bi umarnin hukumomi da ma’aikatan lafiya, tare da rubanya addu’a domin ganin an kawar da wannan annoba da ta kawo tsaiko a al’amuran yau da kullum na jama’a.

Continue Reading

Coronavirus

Nijar: An fara feshin magani kan Corona a makarantu

Published

on

Hukumomin a jahar Damagaram sun kaddamar da fara feshin maganin rigakafin Covid-19 a cikin makarantun boko

A sadiyar Litinin dinnan ne shugaban kwamitin yaki da wannan cuta kuma magatakardar fadar gwamnan jihar Damagaram ya jagoranci bikin kaddamar da feshin a cikin makarantar Mela Douaram da ke tsakiyar birnin na Damagaram.

Magatakardar ya bayyana cewa sun fara wannan aiki ne a wani mataki na kare daliban daga kamuwa da wannan cuta ta Covid-19.

Wakilin mu Yakubu Umar Mai Gizawa ya rawaito mana cewa tun a kwanakin baya ne dai gwamnati ta sanar da ranar daya ga watan Yuni mai zuwa a matsayin ranar ranar da za’a koma bakin ajijuwan makarantun bayan shafe tsawan lokaci suna rufe sakamakon yaki da ake da cutar Covid-19.

Labarai masu alaka:

Amsoshin tambayoyi 20 kan cutar Corona – Dr. Ibrahim Musa

Covid-19: Gwamnati ta bada damar cigaba da sufuri a Nijar

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 324,535 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!