Aston Villa ta sayi Ollie Watkins daga Brentford

Kungiyar kwallon kafa ta Aston Villa ta kammala cinikinta da Brentford kan dan wasa Ollie Watkins.

Aston Villa dai ta sayi Watkins kan kudi Yuro miliyan 28 wanda a jimilla ka iya kaiwa Yuro miliyan 33.

Watkins, mai shekaru 24, yayi nasarar jefa kwallaye 26 a gasar Championship a kakar wasanni da ta gabata.

Mai horas da kungiyar ta Aston Villa, Dean Smith, ya ce wannan shine ciniki na biyu da kungiyar ta yi idan aka hada da daukar dan wasa Matty Cash daga Nottingham Forest.