Azal: Uwa ta hallaka ƴaƴanta biyu a Kano

Ana zargin wata mata da yanka ƴaƴanta biyu a unguwar Sagagi layin ƴan rariya, dake ƙaramar hukumar Birni da Kewaye a nan Kano.

Rahotanni sun ce ƴaƴan biyu sun rasu, sai dai matar da ake zargi kuma ta tsere.

Wasu mazauna unguwar sun ce, matar ta yiwa wata rauni wadda yanzu haka aka garzaya da ita zuwa asibiti.

Maƙotan inda abin ya faru sun ce, matar ta fara sauya ɗabi’unta ne tun bayan da aka yi mata kishiya.

Sai ku biyo mu a gaba domin jin cikakken labarin da ma ɓangaren rundunar ƴan sanda.