Ba Muhammadu Sunusi Kadai  aka gayyata rantsar da Abba ba: Sunusi Bature

Sabon zababben gwamnan jihar Kano Engineer Abba Kabir Yusuf ya yi martani game da maganganu da ake ta yi kan gayyatar Sarki Muhammadu Sunusi zuwa wajen bikin rantsuwa da za’a gudanar a jibi Litinin.

A zantawar da Freedom Radio ta wayar Tarho a daren jiya Juma’a sakataren yada labaran zababbiyar gwamnatin ta jihar Kano Malam Sunusi Bature Dawakin Tofa yace ba iya sarki Muhammadu Sunusi aka gayyata ba an gayyaci dukkan sarakuna jihar Kano biyar zuwa wajen rantsarwar’.

‘A don haka wancaan zancen da ake yadawa bashi da makama ko tushe’.

Rahoton: Bashir Sharfadi