Ba za mu bari ayi amfani da miyagun kwayoyi yayin babban zabe ba-NDLEA

• Ba zamu bari ayi amfani da miyagun kwayoyi a babban zaben kasa da ke tafe ba
• Duk wanda muka kama da shigo da kwayoyi za’a kama shi
• Duk wanda ta kama kuma yana shaye-shaye shima za’a kamashi

Hukumar hana sha da fataucin miyagun kwayoyi ta kasa NDLEA reshen Jihar Kano, ta ce, ba za ta bari ayi amfani da miyagun kwayoyi a babban zaben kasa da ke tafe ba’.

Shugaban hukumar Abubakar Idris Ahmad ne ya bayyana hakan a zantawarsa da Freedom Radiyo.
Ya ce, za su yi amfani da hanyoyin ba sani ba sabo akan duk wanda aka kama da shigo da kwayoyi, ko raba su a waje kafin zabe da lokacin zabe za ta kama shi.

Kwamandan Abubakar Idris ya kara da cewa hukumar bazata saurarawa duk wanda ta kama yana shaye-shaye ba, ta hanyar kama su, tare da hukunta su dai-dai da laifinsu.

RAHOTO: Hafsat Abdullahi Danladi