Babu batun sanya tubabbun mayaƙan boko haram a cikin jami’an tsaro – Lai Muhammad

Gwamnatin tarayya ta gargaɗi marubuta da suke bayar da bayanin cewa ƴan boko haram ɗin da suka tuba an sanya su cikin jami’an tsaron ƙasar nan.

Ministan yaɗa labarai da raya al’adu Alhaji Lai Mohammed ne ya bayar da wannan gargadi yayin zantawar sa da manema labarai.

Ya ce, akalla yan boko haram dubu ɗaya sun miƙa kan su ga rundunonin sojin ƙasar nan a baya bayan nan, musamman a garuruwan Konduga, Bama, da Mafa da ke kudancin Borno.

Ba mu yadda da tuban ‘yan boko haram ba – ƙungiyar ACF

Ministan ya bayyana takaicin sa kan masu nuna adawar su na ƙin hukunta ƴan boko haram ɗin da suka tuba.