Babu wani mahauci da yake sayar da naman Kare a Kano – DSP Kiyawa

Rundunar ƴan sandan jihar Kano ta musanta kama wani mahauci da ake yayatawa a kafafen sada zumunta cewa yana sayarwa da mutane naman Kare.

Mai magana da yawun rundunar DSP Abdullahi Haruna Kiyawa, ne ya bayyana hakan ga manema labarai a jiya Laraba.

Kiyawa ya ce, Binciken da muka gudanar ya gano cewa, wata mota ce ta bige wani kare, sai wani mai tabin hankali ya dauka yana yankawa”.

Rundunar ta gargaɗin jama’a da su guji yada labaran da basu da tushe don kaucewa illar da hakan ka iya haifarwa.