Bai kamata gwamnati ta cigaba da ciyo bashi don gudanar da ayyuka ba – Sanusi II

Sarkin Kano Murabus Malam Muhammadu Sanusi na biyu, ya ce bai kamata gwamnati tarayya ta cigaba da ciyo basussuka ba don gudanar da ayyukanta.

Malam Sanusi II ya bayyana hakan ne yayin taron kaddamar da wani littafi da ya rubuta da kuma asusun bunkasa cigaba mai dorewa.

Ya kara da cewa, tabbas yawan ciyo basussukan zai haifar da koma baya ga gwamnatoci masu zuwa nan gaba.

Ya kuma yi kira ga mutane da su zamo masu kokarin dogaro da kansu ta hanyar kirkiro dabarun sana’o’I a maimakon ta’allaka ga gwamnati.