Banyi kuskuren barin Barcelona ba zuwa PSG -Messi

Dan wasa Lionel Messi ya ce ko kadan bai aikata kuskureba na barinsa Barcelona zuwa tawagar da ke buga gasar  Ligue 1 ta kasar France Paris Saint-Germain ba.

Messi wanda ya koma PSG a matsayin kyauta, sakamakon Barcelona ta gaza sabinta kwantaragin.

Da hakan ya kawo karshen shekarun da ya shafe yana wasa a gasar LaLigar kasar Spain.

Dan wasa Lionel Messi ya taka rawar gani a nasarar da suka samu akan kungiyar da Guardiola ke jagoranta ta Manchester City da ci 2-0 a gasar cin kofin zakarun turai.

“Ko kadan banyi kuskuren komawa  PSG ba,” a cewar Messi yayin ganawarsa da jaridar kasar France.

Tun sanda ya koma PSG, Messi kwallo daya ya iya zurawa a wasan da sukai nasara da ci 2-0 a gasar  Champions League a karawa da Manchester City.

Mai shekaru 34 har kawo yanzu ya gaza zura kwallo a gasar Ligue 1.

Haka zalika dan wasa Messi ya lashe gasanni 35 a filin  Camp Nou, ya kuma zura kwallo 672 da kawo yanzu babu dan wasan da ya kaishi yawan kwallo a kungiyar Barcelona da ya bari.