Barcelona ta yi wa Messi murna zagayowar ranar haihuwa

Kungiyar kwallon kafa ta Barcelona ta aike wa Lionel Messi da sakon taya murnar zagayowar ranar haihuwarsa.

A yau Alhamis 24 ga watan Yunin 2021 ne, Messi ya cika shekaru 34 a duniya.

Kawo yanzu dai dan wasan bai san makomarsa ba a kungiyar, yayin da kwantiraginsa ke shirin karewa a karshen wannan watan na Yuni da muke ciki.

Messi ya yi yunkurin barin Barcelona a shekarar 2019 inda kungiyar ta gindaya mashi wasu ka’idoji da zai cika matukar yana bukatar ficewa daga kungiyar, lamarin da ya janyo takaddama har ta kaiga zuwa kotu.