Buhari ya gana da shugaba Bazoum Muhammed na Jamhuriyar Nijar a fadar Asorok

Shugaban kasa Muhammadu Buhari ya karbi bakuncin sabon shugaban kasar Jamhuriyar Nijar Bazoum Muhammed, a fadar Asorok, a yau litinin.

Hakan na cikin wani faifan bidiyo ne da fadar shugaban kasa ta yada ta shafin internet.

A cikin sakon bidiyon wanda mai taimakawa shugaban kasa kan kafafen sada zumunta na zamani, Tolu Ogunlesi ya fitar, ta nuno gwamnonin jihohin Kebbi, Borno, Sokoto, Yobe, da kuma Zamfara cikin wadanda su ka yi maraba ga shugaban na Jamhuriyar Nijar a Abuja.