Nijar: An kama sojojin da su ka yi yunkurin juyin mulki

Wata majiyar tsaro ta shaida wa kamfanin dillancin labarai na AFP cewa an kama wasu sojoji a Jamhuriyar Nijar biyo bayan yunƙurin juyin mulkin da wasu dakaru suka yi a daren Laraba.

Har yanzu babu cikakken bayani game da abin da ya faru yayin da birnin Yamai ya kasance cikin shirin ko-ta-kwana.

Tun misalin ƙarfe 3:00 na dare aka fara jin harbe-harben kuma an ɗauki tsawon kusan minti 15 ana yi.

Jami’an tsaron fadar shugaban ƙasa ne suka daƙile yunƙurin, wanda ya faru ƙasa da kwana biyu kafin rantsar da zaɓaɓɓen shugaban ƙasa Mohamed Bazoum.

(BBC)