Buhari ya kaddamar da Tambarin bikin cikar Najeriya shekaru 60

Shugaba kasa Muhammadu Buhari ya kaddamar da wani tambari da za a rika amfani da shi wajen gudanar da bikin ranar yancin kai a kasar nan dai-dai lokacin da kasar ke cika shekaru sittin da samun ‘yancin kai.

Shugaba Buhari ya kaddamar da tambarin ne ya yin zaman majalisar zartarwa ta kasa yau a Abuja.

Yayin zaman na yau ya samu halartar mataimakin shugaban kasa Farfesa Yemi Osinbajo da ministan cikin gida Ra’uf Aregbesola da ministan yada labarai da raya al’adu Alhaji Lai Muhammad sai kuma ministan ayyuka da gidaje Babatunde Fashola dea sauran ministoci.

Idan dai za a iya tunawa tun a farkon watan satumbar da muke ciki ne gwamnatin tarayya ta bukaci yan kasar nan da su fito da sabbin dabaru a yayin bikin cikar kasar nan shekara 60 da samun ‘yancin kai wanda a wannan shekara aka yi mata take da “together at 60”.

A ranar daya ga watan Oktoba me kawa ne kasar nan ke cika shekara sittin da samun ‘yancin kai.