Buhari ya naɗa sabon shugaban hukumar NCDC

Shugaban ƙasa Muhammadu Buhari ya naɗa sabon shugaban hukumar daƙele yaɗuwar cututtuka ta ƙasa NCDC.

Shugaba Buhari ya amince da naɗin Dakta Ifedayo Morayo Adetifa a matsayin sabon shugaban hukumar.

Mai magana da yawun shugaban ƙasar Malam Garba Shehu ne ya sanar da naɗin cikin wata sanarwa.

Garba Shehu ta cikin sanarwar ya ce, Dakta Adetifa ya maye gurbin Dakta Chikwe Ihekweazu.

Idan za a iya tunawa tsohon shugaban hukumar Dakta Chikwe Ihekeazu a yanzu ya zama shugaban hukumar lafiya ta duniya WHO kan al’amuran da shuka shafi annoba a Berlin na ƙasar Germany.