Yanzu Yanzu: Buhari ya nada sabon sufeta janar na ‘yan sandan Najeriya

Shugaban kasa Muhammadu Buhari ya nada Usman Alkali Baba a matsayin sabon mai rikon mukamin sufeto janar na ‘yan sandan kasar nan.

Ministan kula da harkokin ‘yan sanda Maigari Dingyadi ne ya bayyana haka ga manema labarai na fadar shugaban kasa a yau talata.

A cewar sa nadin nasa ya fara aiki ne nan take.

Usman Alkali Baba zai karbi ragamar jagorancin rundunar ‘yan sandan na Najeriya ne daga wajen Muhammed Adamu wanda wa’adin mulkinsa yak are kafin daga bisani shugaba Buhari ya kara masa wa’adi na watanni uku

Muhammed Adamu dai ya yi wata biyu ne cikin watanni ukun da shugaba Buhari ya kara masa a matsayin sufeta na ‘yan sandan.