Buhari ya shaida ɗaurin auren ɗan sa a Kano

Shugaban ƙasa Muhammadu Buhari ya shaida ɗaurin auren ɗan sa Yusuf Buhari da ƴar gidan sarkin Bichi Zahra Bayero.

Shugaba Buhari ya sauka a filin jirgin saman Malam Aminu Kano bayan ya halarci jihar Adamawa duk a wannan rana.

Jim kadan bayan saukar sa ya samu tarba daga gwamnan Kano Dakta Abdullahi Umar Ganduje.

Rahotanni sun bayyana cewa, an daura auren na su jim kadan bayan sakkowa daga masallacin juma’a, kuma Mamman Daura shi ne ya kasance waliyyin Ango, sai Aminu Dantata da ya kasance waliyyin Amarya.

Daurin auren ya samu halartar gwamnoni da ministoci da sauran manyan yan siyasar ƙasar nan, baya ga dubban jami’an tsaro.