Buhari yayi ganawar sirri da Jonathan

A dazu dazunnan ne dai Shugaban kasa Muhammadu Buhari ya kammala wata ganawar sirri da tsohon tsohon shugaban kasa Goodluck Jonathan yau a fadarsa ta Villa da ke Abuja.

Rahotanni sun bayyana cewa da karfe uku na wannan rana ne Goodluck Jonathan ya iso fadar ta shugaban kasa kuma kai tsaye ya zarce zuwa ofishin shugaban kasa muhammadu Buhari.

Sai dai har ya zuwa wannan lokaci babu wani cikakken bayanin makasudin ziyarar ta tsohon shugaban kasa Jonathan ga shugaba Buhari.

Sai dai bayan fitowar daga ganawar, tsohon shugaban kasa Jonathan ba ice komai ba, amma dai ya gaisa da sauran ma’aikatan fadar ta shugaban kasa.

Wannan dai shi ne karo na biyar da Goodluck Jonathan ke ziyartar fadar ta shugaban kasa, sai dai ziyararsa ta karshe kafin yau ita ce tun a shekarar 2016.