Siyasa: Buhari ya yi wata ganawar sirri da Good Luck Jonathan

Shugaban ƙasa Muhammadu Buhari ya yi wata ganawar sirri da tsohon shugaban ƙasa Good Luck Jonathan a fadar Asorok.

Rahotanni sun ce tattaunawar shugaba Buhari da Good Luck Jonathan ta mai da hankali ne kan rikicin siyasa da ke faruwa  a ƙasar Mali.

Ƙungiyar bunƙasa tattalin arzikin ƙasashen yammacin afurka ta ECOWAS dai ita ce ta naɗa tsohon shugaban na Najeriya Good Luck Jonathan a matsayin mai sasantawa a rikicin siyasa da ke faruwa a ƙasar ta Mali.

A cikin wata sanarwa da mai bai wa shugaban ƙasa shawara kan harkokin yaɗa labarai, Femi Adesina ya fitar, ta ce, shugaba Buhari ya kuma buƙaci ɓangarorin biyu da ba sa ga maciji da juna da su zauna teburi guda don sasanta saɓani da ke tsakaninsu