Buhari zai kaddamar da cibiyar hada-hadar manfetur a Lagos

A gobe Alhamis ce shugaba Muhammadu Buhari zai kaddamar da cibiyar hada-hadar manfetur da iskar gas ta kasa da aka gina a jihar Legas.

Hakan na daga cikin kokarin da gwamnatin tarayya ke yi na bunkasa ayyukan samar da manfetur da iskar gas a kasar nan.

Haka kuma cibiyar zata rage yawan kudaden da ake kashewa wajen hako manfetur da isakar gas.

Jaridar Leadership ta rawaito cewa, hakan zai sa Najeriya ta ci gaba da rike kambunta na zama kasar da tafi kowacce kasa a nahiyar Afirka arzikin danyan mai da kuma iskar gas.