Connect with us

Labarai

Bututun mai ya fashe a Legas

Published

on

Al’ummar unguwannin Surulere, Ijegun da Ikotun da Egbeda da Abule Ado, da Okota sai Isheri da Olofin dana Festac Town, suna daga cikin unguwannin da hatsarin rushewar gidaje da kamawar wuta ta same su a safiyar yau sakamakon fashewar wani bututun mai a jihar Lagos da safiyar yau Lahadi.

Fashewar da aka tashi da ita da safiyar yau, ta haddasa asarar dukiyoyi da gidaje na miliyoyin nairori, wanda wasu al’ummar yankin da suke ganau suka shaida sai dai zuwa yanzu ba ayi asarar rai ba.

A rahoton da jaridar the Cable, ta fitar wani mazaunin unguwar Abule Ado , ya shaida musu cewar ya hango wata makaranta na ci da wuta ganga -ganga, ya yinda wani ganau din daga unguwar Egbeda, ya tabbatar da rushewar gine gine na makwabta, wanda yace ya gani Jim kadan bayan dawowar sa daga Coci a safiyar ta yau.

Zuwa yanzu dai da ake hada rahotanni ba ‘a tabbatar da makasudin da ya haddasa fashewar bututun ba.Hukumar bada agajin gaggawa ta jihar Lagos (LASEMA) ta tabbatar da fashewar Bututun na mai a unguwar Abule Ado, dake karamar hukumar Amuwo Odofin ta jihar.

Hukumar kashe gobara ta kasa Fedaral Fire service , ta tabbatar da cewar tana aiki kafada da kafada da reshenta na unguwannin Badagry da Festac , don samun cikakken bayanin mai yake faruwa da matakan da za’a dauka ,kamar yadda ta sanar a shafin ta na Twitter.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!