Connect with us

Labarai

Shamsu Dambazau zai samar da sabbin hanyoyin noma a Takai da Sumaila

Published

on

Dan majalisa mai wakiltar kananan hukumonin Takai da Sumaila a Majalisar wakilai ta kasa Shamsuddeen Bello Dambazau ya ja hankalin takwarorin sa wajen zage dantse akan matsalolin da suka dabaibaye al’ummar da suke wakilta.

Na gabatar da kudurin samar da tsaftataccen ruwan sha a yankin Sumaila, duba da matsalolin ruwan sha da mutanen yankin ke fama da shi don magance ta- Shamsuddin Dambazau

Shamsuddeen Dambazau ya kara da cewa, kasancewar Allah ya albarkaci yankin da yake wakilta da yalwar gonakin noma musamman na Dabino, inda ya ce tuni shiri ya yi nisa wajen kawo sabbin hanyoyin noman Dabino na zamani, don bunkasa tattalin arzikin su dana kasa baki daya.

Shamsuddeen Bello Dambazau ya bayyana hakan ne yayin tattaunawa da manema labarai anan Kano.

Ya ce tun farkon shigar sa Majalisar nan ta tara, akwai kudurori da samu gabatarwa da suka shafi ci gaban al’ummar yankunan kananan hukumomin biyu.

Shamsuddeen Bello Dambazau ya kara da cewa, kasancewar sa mamba a kwamitocin noma da muhalli a Majalisar wakilai, ya maida hankali wajen bunkasa rayuwa da sana’ar manoman yankunan, baya ga samar da hanyoyin dakile ambaliyar ruwa da al’ummar wasu yankunan da yake wakilta suka fuskanta a shekarar da ta gabata.

       Wadansu magidanta sun karbi  Musulunci a garin Sumaila       

Kawu Sumaila: kafafun yada labarai abokan tafiyar mulkin dumukaradiyya ne

Wakilin mu Umar Idris Shuaibu ya ruwaito dan Majalisar kananan hukumomin Takai da Sumaila Shamsuddeen Bello Dambazau ya bayyana cewa, a tsawon watanni bakwai da ya yi a zauren majalisar kasa, ya samawa dinbim matasa ayyukan yi masu matakin karatun Digiri kama daga aikin sojan ruwa dana kasa, da wasu a hukumar kashe gobara ta kasa, da hukumar yaki da sha da fataucin miyagun kwayoyi ta kasa NDLEA, da dai sauran su.

Shamsuddeen Bello Dambazau ya kuma bukaci cikakken goyon bayan al’ummar da yake wakilta, inda ya ce kofar sa a bude take wajen mika koken duk wata matsala da ta shige musu duhu don daukar matakin gaggawa.

Click to comment

You must be logged in to post a comment Login

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 333,104 other subscribers.

Copyright © 2019. Freedom Radio Group. All Rights Reserved.

error: Content is protected !!