Cikin shekaru 16 za ayi quarter final a Champions league ba tare da Messi da Ronaldo ba

Karon farko cikin shekaru 16 za ayi wasan daf da na kusa da na karshe a gasar zakarun kungiyoyin nahiyar turai (Champions League) babu Lionel Messi babu Cristiano Ronaldo.

Rabon da kungiyoyin da ‘yan wasan biyu ke wasa su gaza tsallakawa zagaye na daf da na kusa da na karshe (quarter final) tun a kakar wasa ta shekarar 2004/05.

Cristiano Ronaldo da Lionel Messi dai ‘yan wasa biyu ne da suka shahara sannan suka mamaye harkokin kwallon kafa kusan shekaru 20 da suka gabata.