Common entrance: Za a gudanar da tsaftar muhalli kamar kowanne wata – Dakta Kabiru Getso

Gwamnatin jihar Kano ta ce, za a gudanar da tsaftar muhalli na ƙarshen wata a gobe Asabar.

Kwamishinan muhalli Dakta Kabiru Ibrahim Getso ne ya tabbatar da hakan.

Cikin wata sanarwa da jami’in hulɗa da jama’a na ma’aikatar Sunusi Abdullahi Ƙofar Na’isa ta rawaito cewa za a yi tsaftar muhallin na duk gari kamar kowanne wata.

Sanarwar na zuwa ne yayin da ake ta yaɗa cewa an ɗage gudanar da duban tsaftar sakamakon jarrabawar da ɗaliban firamare za su yi a gobe Asabar.

A cewar Sanarwar jarrabawar kammala firamare ga ɗaliban ba za ta hana duban tsaftar muhalli ba.

A don haka ma’aikatar muhalli ta gargaɗi jama’a da su guje karya dokar hana fita daga ƙarfe 7 na safe zuwa 10 na safiyar Asabar ɗin.